సర్వ కార్య సాధక ధ్యానం

అసాధ్య సాధక!స్వామిన్!అసాధ్యం తవ కిం వదరామదూత! కృపాసింధో!మత్కార్యం సాధయ ప్రభో!

Thursday, January 27, 2022

శ్రీహనుమత్తాండవస్తోత్రం

 

శ్రీహనుమత్తాండవస్తోత్రం



వందే సిందూరవర్ణాభం లోహితాంబరభూషితం .
రక్తాంగరాగశోభాఢ్యం శోణాపుచ్ఛం కపీశ్వరం..

భజే సమీరనందనం, సుభక్తచిత్తరంజనం, దినేశరూపభక్షకం, సమస్తభక్తరక్షకం .
సుకంఠకార్యసాధకం, విపక్షపక్షబాధకం, సముద్రపారగామినం, నమామి సిద్ధకామినం .. 1..

సుశంకితం సుకంఠభుక్తవాన్ హి యో హితం వచస్త్వమాశు ధైర్య్యమాశ్రయాత్ర వో భయం కదాపి న .
ఇతి ప్లవంగనాథభాషితం నిశమ్య వానరాఽధినాథ ఆప శం తదా, స రామదూత ఆశ్రయః .. 2..

సుదీర్ఘబాహులోచనేన, పుచ్ఛగుచ్ఛశోభినా, భుజద్వయేన సోదరీం నిజాంసయుగ్మమాస్థితౌ .
కృతౌ హి కోసలాధిపౌ, కపీశరాజసన్నిధౌ, విదహజేశలక్ష్మణౌ, స మే శివం కరోత్వరం .. 3..

సుశబ్దశాస్త్రపారగం, విలోక్య రామచంద్రమాః, కపీశ నాథసేవకం, సమస్తనీతిమార్గగం .
ప్రశస్య లక్ష్మణం ప్రతి, ప్రలంబబాహుభూషితః కపీంద్రసఖ్యమాకరోత్, స్వకార్యసాధకః ప్రభుః .. 4..

ప్రచండవేగధారిణం, నగేంద్రగర్వహారిణం, ఫణీశమాతృగర్వహృద్దృశాస్యవాసనాశకృత్ .
విభీషణేన సఖ్యకృద్విదేహ జాతితాపహృత్, సుకంఠకార్యసాధకం, నమామి యాతుధతకం .. 5..

నమామి పుష్పమౌలినం, సువర్ణవర్ణధారిణం గదాయుధేన భూషితం, కిరీటకుండలాన్వితం .
సుపుచ్ఛగుచ్ఛతుచ్ఛలంకదాహకం సునాయకం విపక్షపక్షరాక్షసేంద్ర-సర్వవంశనాశకం .. 6..

రఘూత్తమస్య సేవకం నమామి లక్ష్మణప్రియం దినేశవంశభూషణస్య ముద్రీకాప్రదర్శకం .
విదేహజాతిశోకతాపహారిణం ప్రహారిణం సుసూక్ష్మరూపధారిణం నమామి దీర్ఘరూపిణం .. 7..

నభస్వదాత్మజేన భాస్వతా త్వయా కృతా మహాసహా యతా యయా ద్వయోర్హితం హ్యభూత్స్వకృత్యతః .
సుకంఠ ఆప తారకాం రఘూత్తమో విదేహజాం నిపాత్య వాలినం ప్రభుస్తతో దశాననం ఖలం .. 8..

ఇమం స్తవం కుజేఽహ్ని యః పఠేత్సుచేతసా నరః
      కపీశనాథసేవకో భునక్తిసర్వసంపదః .
ప్లవంగరాజసత్కృపాకతాక్షభాజనస్సదా
      న శత్రుతో భయం భవేత్కదాపి తస్య నుస్త్విహ .. 9..

నేత్రాంగనందధరణీవత్సరేఽనంగవాసరే .
లోకేశ్వరాఖ్యభట్టేన హనుమత్తాండవం కృతం .. 10..

ఇతి శ్రీ హనుమత్తాండవ స్తోత్రం..


 -------------------

  
 -------------------

Monday, August 17, 2020

శ్రీహనుమత్సూక్తం

  శ్రీహనుమత్సూక్తం 




-----------------------------

-----------------------------


శ్రీమంతో సర్వలక్షణసంపన్నో జయప్రదః
సర్వాభరణభూషిత ఉదారో మహోన్నతోష్ట్రారూఢః
కేసరీప్రియనన్న్దనో వాయుతనూజో యథేచ్ఛం పంపాతీరవిహారీ
గంధమాదనసంచారీ హేమప్రాకారాంచితకనకకదలీవనాంతరనివాసీ
పరమాత్మా వనేచరశాపవిమోచనో
హేమకనకవర్ణో నానారత్నఖచితామమూల్యాం మేఖలాం చ స్వర్ణోపవీతం
కౌశేయవస్త్రం చ బిభ్రాణః సనాతనో పరమపురషో
మహాబలో అప్రమేయప్రతాపశాలీ రజితవర్ణః
శుద్ధస్పటికసంకాశః పంచవదనః
పంచదశనేత్రస్సకలదివ్యాస్త్రధారీ
శ్రీసువర్చలారమణో మహేంద్రాద్యష్టదిక్పాలక-
త్రయస్త్రింశద్గీర్వాణమునిగణగంధర్వయక్షకిన్నరపన్నగాసురపూజిత
పాదపద్మయుగలః నానావర్ణః కామరూపః
కామచారీ యోగిధ్యేయః శ్రీహనుమాన్
ఆంజనేయః విరాట్రూపీ విశ్వాత్మా విశ్వరూపః
పవననందనః పార్వతీపుత్రః
ఈశ్వరతనూజః సకలమనోరథాన్నో దదాతు.

ఇదం శ్రీహనుమత్సూక్తం యో ధీమానేకవారం పఠేద్యది
సర్వేభ్యః పాపేభ్యో విముక్తో భూయాత్ .

Sunday, August 9, 2020

శ్రీ అథర్వణరహస్యే శ్రీ లాంగూలోపనిషత్

 శ్రీ అథర్వణరహస్యే శ్రీ లాంగూలోపనిషత్

--------------------------------------------------


--------------------------------------------------


శ్రీగణేశాయ నమః .

ఓం అస్య శ్రీఅనంతఘోరప్రలయజ్వాలాగ్నిరౌద్రస్య

వీరహనుమత్సాధ్యసాధనాఘోరమూలమంత్రస్య ఈశ్వర ఋషిః .

అనుష్టుప్ ఛందః . శ్రీరామలక్ష్మణౌ దేవతా . సౌం బీజం .

అంజనాసూనురితి శక్తిః . వాయుపుత్ర ఇతి కీలకం .

శ్రీహనుమత్ప్రసాదసిద్ధ్యర్థం భూర్భువస్స్వర్లోకసమాసీన-

తత్వంపదశోధనార్థం జపే వినియోగః .

ఓం భూః నమో భగవతే దావానలకాలాగ్నిహనుమతే అంగుష్ఠాభ్యాం నమః .

ఓం భువః నమో భగవతే చండప్రతాపహనుమతే తర్జనీభ్యాం నమః .

ఓం స్వః నమో భగవతే చింతామణిహనుమతే మధ్యమాభ్యాం నమః .

ఓం మహః నమో భగవతే పాతాలగరుడహనుమతే అనామికాభ్యాం నమః .

ఓం జనః నమో భగవతే కాలాగ్నిరుద్రహనుమతే కనిష్ఠికాభ్యాం నమః .

ఓం తపః సత్యం నమో భగవతే భద్రజాతివికటరుద్రవీరహనుమతే

కరతలకరపృష్ఠాభ్యాం నమః .

ఓం భూః నమో భగవతే దావానలకాలాగ్నిహనుమతే హృదయాయ నమః .

ఓం భువః నమో భగవతే చండప్రతాపహనుమతే శిరసే స్వాహా .

ఓం స్వః నమో భగవతే చింతామణిహనుమతే శిఖాయై వషట్ .

ఓం మహః నమో భగవతే పాతాలగరుడహనుమతే కవచాయ హుం .

ఓం జనః నమో భగవతే కాలాగ్నిరుద్రహనుమతే నేత్రత్రయాయ వౌషట్ .

ఓం తపః సత్యం నమో భగవతే భద్రజాతివికటరుద్రవీరహనుమతే అస్త్రాయ ఫట్ .

అథ ధ్యానం .

వజ్రాంగం పింగనేత్రం కనకమయలసత్కుండలాక్రాంతగండం

దంభోలిస్తంభసారప్రహరణవివశీభూతరక్షోఽధినాథం .

ఉద్యల్లాంగూలఘర్షప్రచలజలనిధిం భీమరూపం కపీంద్రం

ధ్యాయంతం రామచంద్రం ప్లవగపరివృఢం సత్వసారం ప్రసన్నం ..


ఇతి మానసోపచారైః సంపూజ్య .

ఓం నమో భగవతే దావానలకాలాగ్నిహనుమతే జయశ్రియో జయజీవితాయ

ధవలీకృతజగత్త్రయ వజ్రదేహ వజ్రపుచ్ఛ వజ్రకాయ వజ్రతుండ

వజ్రముఖ వజ్రనఖ వజ్రబాహో వజ్రరోమ వజ్రనేత్ర వజ్రదంత వజ్రశరీర

సకలాత్మకాయ భీమకర పింగలాక్ష ఉగ్ర ప్రలయకాలరౌద్ర వీరభద్రావతార

శరభసాలువభైరవదోర్దండ లంకాపురీదాహన ఉదధిలంఘన

దశగ్రీవకృతాంత సీతావిశ్వాస ఈశ్వరపుత్ర అంజనాగర్భసంభూత

ఉదయభాస్కరబింబానలగ్రాసక దేవదానవఋషిమునివంద్య

పాశుపతాస్త్రబ్రహ్మాస్త్రబైలవాస్త్రనారాయణాస్త్రకాలశక్తికాస్త్రదండకాస్త్ర-

పాశాఘోరాస్త్రనివారణ పాశుపతాస్త్రబ్రహ్మాస్త్రబైలవాస్త్రనారాయణాస్త్రమృడ

సర్వశక్తిగ్రసన మమాత్మరక్షాకర పరవిద్యానివారణ ఆత్మవిద్యాసంరక్షక

అగ్నిదీప్త అథర్వణవేదసిద్ధస్థిరకాలాగ్నినిరాహారక వాయువేగ మనోవేగ

శ్రీరామతారకపరబ్రహ్మవిశ్వరూపదర్శన లక్ష్మణప్రాణప్రతిష్ఠానందకర

స్థలజలాగ్నిమర్మభేదిన్ సర్వశత్రూన్ ఛింధి ఛింధి మమ వైరిణః

ఖాదయ ఖాదయ మమ సంజీవనపర్వతోత్పాటన డాకినీవిధ్వంసన

సుగ్రీవసఖ్యకరణ నిష్కలంక కుమారబ్రహ్మచారిన్ దిగంబర సర్వపాప

సర్వగ్రహ కుమారగ్రహ సర్వం ఛేదయ ఛేదయ భేదయ భేదయ

భింధి భింధి ఖాదయ ఖాదయ టంక టంక తాడయ తాడయ మారయ మారయ

శోషయ శోషయ జ్వాలయ జ్వాలయ హారయ హారయ నాశయ నాశయ

అతిశోషయ అతిశోషయ మమ సర్వం చ హనుమన్ రక్ష రక్ష

ఓం హ్రాం హ్రీం హ్రూం హుం ఫట్ ఘే ఘే స్వాహా ..


ఓం నమో భగవతే చండప్రతాపహనుమతే మహావీరాయ సర్వదుఃఖవినాశనాయ

గ్రహమండలభూతమండలప్రేతపిశాచమండలసర్వోచ్చాటనాయ

అతిభయంకరజ్వర-మాహేశ్వరజ్వర-విష్ణుజ్వర-బ్రహ్మజ్వర-

వేతాళబ్రహ్మరాక్షసజ్వర-పిత్తజ్వర-శ్లేష్మసాన్నిపాతికజ్వర-విషమజ్వర-

శీతజ్వర-ఏకాహికజ్వర-ద్వ్యాహికజ్వర-త్రైహికజ్వర-చాతుర్థికజ్వర-

అర్ధమాసికజ్వర-మాసికజ్వర-షాణ్మాసికజ్వర-సాంవత్సరికజ్వర-

అస్థ్యంతర్గతజ్వర-మహాపస్మార-శ్రమికాపస్మారాంశ్చ భేదయ భేదయ

ఖాదయ ఖాదయ ఓం హ్రాం హ్రీం హ్రూం హుం ఫట్ ఘే ఘే స్వాహా ..


ఓం నమో భగవతే చింతామణిహనుమతే అంగశూల-అక్షిశూల-శిరశ్శూల-

గుల్మశూల-ఉదరశూల-కర్ణశూల-నేత్రశూల-గుదశూల-కటిశూల-

జానుశూల-జంఘాశూల-హస్తశూల-పాదశూల-గుల్ఫశూల-వాతశూల-

పిత్తశూల-పాయుశూల-స్తనశూల-పరిణామశూల-పరిధామశూల-

పరిబాణశూల-దంతశూల-కుక్షిశూల-సుమనశ్శూల-సర్వశూలాని

నిర్మూలయ నిర్మూలయ దైత్యదానవకామినీవేతాలబ్రహ్మరాక్షసకోలాహల-

నాగపాశానంతవాసుకితక్షకకార్కోటకలింగపద్మకకుముదజ్వలరోగపాశ-

మహామారీన్ కాలపాశవిషం నిర్విషం కురు కురు

ఓం హ్రాం హ్రీం హ్రూం హుం ఫట్ ఘే ఘే స్వాహా ..


ఓం హ్రీం శ్రీం క్లీం గ్లాం గ్లీం గ్లూం ఓం నమో భగవతే పాతాలగరుడహనుమతే

భైరవవనగతగజసింహేంద్రాక్షీపాశబంధం ఛేదయ ఛేదయ

ప్రలయమారుత కాలాగ్నిహనుమన్ శృంఖలాబంధం విమోక్షయ విమోక్షయ

సర్వగ్రహం ఛేదయ ఛేదయ మమ సర్వకార్యాణి సాధయ సాధయ

మమ ప్రసాదం కురు కురు మమ ప్రసన్న శ్రీరామసేవకసింహ భైరవస్వరూప

మాం రక్ష రక్ష ఓం హ్రాం హ్రీం హ్రూం హ్రాం హ్రీం క్ష్మౌం భ్రైం శ్రాం శ్రీం

క్లాం క్లీం క్రాం క్రీం హ్రాం హ్రీం హ్రూం హ్రైం హ్రౌం హ్రః హ్రాం హ్రీం హుం ఖ ఖ

జయ జయ మారణ మోహన ఘూర్ణ ఘూర్ణ దమ దమ మారయ మారయ వారయ వారయ

ఖే ఖే హ్రాం హ్రీం హ్రూం హుం ఫట్ ఘే ఘే స్వాహా ..


ఓం నమో భగవతే కాలాగ్నిరౌద్రహనుమతే భ్రామయ భ్రామయ లవ లవ

కురు కురు జయ జయ హస హస మాదయ మాదయ ప్రజ్వలయ ప్రజ్వలయ

మృడయ మృడయ త్రాసయ త్రాసయ సాహయ సాహయ వశయ వశయ

శామయ శామయ అస్త్రత్రిశూలడమరుఖడ్గకాలమృత్యుకపాలఖట్వాంగధర

అభయశాశ్వత హుం హుం అవతారయ అవతారయ హుం హుం అనంతభూషణ

పరమంత్ర-పరయంత్ర-పరతంత్ర-శతసహస్ర-కోటితేజఃపుంజం

భేదయ భేదయ అగ్నిం బంధయ బంధయ వాయుం బంధయ బంధయ

సర్వగ్రహం బంధయ బంధయ అనంతాదిదుష్టనాగానాం ద్వాదశకుల-

వృశ్చికానామేకాదశలూతానాం విషం హన హన సర్వవిషం బంధయ బంధయ

వజ్రతుండ ఉచ్చాటయ ఉచ్చాటయ మారణమోహనవశీకరణస్తంభన-

జృంభణాకర్షణోచ్చాటనమిలనవిద్వేషణయుద్ధతర్కమర్మాణి బంధయ బంధయ

ఓం కుమారీపదత్రిహారబాణోగ్రమూర్తయే గ్రామవాసినే అతిపూర్వశక్తాయ

సర్వాయుధధరాయ స్వాహా అక్షయాయ ఘే ఘే ఘే ఘే ఓం లం లం లం ఘ్రాం

ఘ్రౌం స్వాహా ఓం హ్లాం హ్లీం హ్లూం హుం ఫట్ ఘే ఘే స్వాహా ..


ఓం శ్రాం శ్రీం శ్రూం శ్రైం శ్రౌం శ్రః ఓం నమో భగవతే

భద్రజాతివికటరుద్రవీరహనుమతే టం టం టం లం లం లం లం

దేవదత్తదిగంబరాష్టమహాశక్త్యష్టాంగధర అష్టమహాభైరవనవ-

బ్రహ్మస్వరూప దశవిష్ణురూప ఏకాదశరుద్రావతార ద్వాదశార్కతేజః

త్రయోదశసోమముఖ వీరహనుమన్ స్తంభినీమోహినీవశీకరిణీతంత్రైకసావయవ

నగరరాజముఖబంధన బలముఖమకరముఖసింహముఖజిహ్వాముఖాని

బంధయ బంధయ స్తంభయ స్తంభయ వ్యాఘ్రముఖసర్వవృశ్చికాగ్ని-

జ్వాలావిషం నిర్గమయ నిర్గమయ సర్వజనవైరిముఖం బంధయ బంధయ

పాపహర వీర హనుమన్ ఈశ్వరావతార వాయునందన అంజనాసుత బంధయ బంధయ

శ్రీరామచంద్రసేవక ఓం హ్రాం హ్రాం హ్రాం ఆసయ ఆసయ హ్లీం హ్లాం ఘ్రీం క్రీం

యం భైం మ్రం మ్రః హట్ హట్ ఖట్ ఖట్ సర్వజన-విశ్వజన-శత్రుజన-

వశ్యజన-సర్వజనస్య దృశం లం లాం శ్రీం హ్రాం హ్రీం మనః స్తంభయ

స్తంభయ భంజయ భంజయ అద్రి హ్రీం వ హీం హీం మే సర్వ హీం హీం

సాగరహీం హీం వం వం సర్వమంత్రార్థాథర్వణవేదసిద్ధిం కురు కురు స్వాహా .

శ్రీరామచంద్ర ఉవాచ . శ్రీమహాదేవ ఉవాచ . శ్రీవీరభద్రస్తౌ ఉవాచ .

త్రిసంధ్యం యః పఠేన్నర ..


.. ఇత్యాథర్వణరహస్యే లాంగూలోపనిషత్ సంపూర్ణం ..

Sunday, August 2, 2020

శ్రీ ఆంజనేయసహస్రనామస్తోత్రం

శ్రీ ఆంజనేయసహస్రనామస్తోత్రం



ఋషయ ఊచుః . 
ఋషే లోహగిరిం ప్రాప్తః సీతావిరహకాతరః . 
భగవాన్ కిం వ్యధాద్రామస్తత్సర్వం బ్రూహి సత్వరం .. 
వాల్మీకిరువాచ . 
మాయామానుష దేహోఽయం దదర్శాగ్రే కపీశ్వరం . 
హనుమంతం జగత్స్వామీ బాలార్కసమ తేజసం .. 
స సత్వరం సమాగమ్య సాష్టాంగం ప్రణిపత్య చ .
కృతాంజలిపుటో భూత్వా హనుమాన్ రామమబ్రవీత్ .. 
శ్రీ హనుమానువాచ . 
ధన్యోఽస్మి కృతకృత్యోఽస్మి దృష్ట్వా త్వత్పాదపంకజం .
యోగినామప్యగమ్యం చ సంసారభయ నాశనం .
పురుషోత్తమం చ దేవేశం కర్తవ్యం తన్నివేద్యతాం ..

శ్రీ రామచంద్రోవాచ .
జనస్థానం కపిశ్రేష్ఠ కోఽప్యాగత్య విదేహజాం . 
హృతవాన్ విప్రసంవేశో మారీచానుగతే మయి .. 
గవేష్యః సాంప్రతం వీరః జానకీ హరణే పరః . 
త్వయా గమ్యో న కో దేశస్త్వం చ జ్ఞానవతావరః .. 
సప్తకోటి మహామంత్రమంత్రితావయవః ప్రభుః . 
ఋషయ ఉచుః .  
కో మంత్ర కించ తధ్యానం తన్నో బూహి యథార్థతా . యథార్థతః
కథాసుధారసం పీత్వా న తృప్యామః పరంతప .. 1.. 
వాల్మీకిరువాచ . 
మంత్రం హనుమతో విద్ధి భుక్తిముక్తి ప్రదాయకం . 
మహారిష్ట మహాపాప మహాదుఃఖ నివారణం .. 2.. 
మంత్రం . 
ఓం ఐం హ్రీం శ్రీం హనుమతే రామదూతాయ లంకా విధ్వంసనాయ  
అంజనీగర్భసంభూతాయ శాకినీఢాకినీ విధ్వంసనాయ  
కిలికిలి బు బు కారేణ విభీషణాయ హనుమద్దేవాయ 
ఓం శ్రీం హ్రీం హ్రౌం హ్రాం హ్రూం  ఫట్ స్వాహా ..

అన్యం హనుమతో మంత్రం సహస్రం నామసంజ్ఞితం .
జానంతు ఋషయః సర్వే మహాదురితనాశనం .. 3.. 
యస్య సంస్మరణాత్ సీతాం లబ్ధ్వా రాజ్యమకంటకం .
విభీషణాయ చ దదావాత్మానం లబ్ధవాన్ యథా .. 4.. 
ఋషయ ఊచుః
సహస్రనామసన్మంత్రం దుఃఖాఘౌఘనివారణం .
వాల్మీకే బ్రూహి నస్తూర్ణం శుశ్రూషామః కథాం పరాం .. 
వాల్మీకిరువాచ . 
శృణ్వంతు ఋషయః సర్వే సహస్రనామకం స్తవం .
స్తవానాముత్తమం దివ్యం సదర్థస్య ప్రకాశకం ..

ఓం  అస్య శ్రీహనుమత్సహస్రనామస్తోత్ర మంత్రస్య శ్రీరామచంద్రఋషిః . 
అనుష్టుప్ఛందః . శ్రీహనుమాన్మహారుద్రో దేవతా . 
హ్రీం శ్రీం హ్రౌం హ్రాం బీజం . శ్రీం ఇతి శక్తిః . 
కిలికిల బు బు కారేణ ఇతి కీలకం . 
లంకావిధ్వంసనేతి కవచం . మమ సర్వోపద్రవశాంత్యర్థే 
మమ సర్వకార్యసిద్ధ్యర్థే జపే వినియోగః .. 
.. ఋష్యాదిన్యాసః ..

శ్రీరామచంద్రఋషయే నమః శిరసి .
అనుష్టుప్ఛందసే నమః ముఖే .
శ్రీహనుమాన్మహారుద్ర దేవతాయై నమః హృది . 
హ్రీం శ్రీం హ్రౌం హ్రాం ఇతి బీజాయ నమః గుహ్యే .
శ్రీం ఇతి శక్తయే నమః పాదయోః .
కిలికిల బు బు కారేణ ఇతి కీలకాయ నమః నాభౌ .
లంకావిధ్వంసనేతి కవచాయ నమః బాహుద్వయే .
మమ సర్వోపద్రవశాంత్యర్థే మమ సర్వకార్యసిద్ధ్యర్థే 
ఇతి వినియోగాయ నమః సర్వాంగే ..

.. ఇతి ఋష్యాదిన్యాసః ..

.. అథ కరన్యాసః ..

ఓం ఐం హ్రీం హనుమతే రామదూతాయ అంగుష్ఠాభ్యాం నమః . 
ఓం లంకావిధ్వంసనాయ తర్జనీభ్యాం నమః . 
ఓం అంజనీగర్భసంభూతాయ మధ్యమాభ్యాం నమః . 
ఓం శాకినీడాకినీవిధ్వంసనాయ అనామికాభ్యాం నమః . 
ఓం కిలికిలి బూ బూ కారేణ విభీషణాయ హనుమద్దేవతాయ కనిష్ఠికాభ్యాం నమః . 
ఓం హ్రీం శ్రీ హ్రౌం హాం హుం ఫట్ స్వాహా కరతల కరపృష్ఠాభ్యాం నమః ..

.. ఇతి కరన్యాసః .. 
.. అథ హృదయాదిషడంగన్యాసః ..

ఓం ఐం హ్రీం హనుమతే రామదూతాయ హృదయాయ నమః . 
ఓం లంకావిధ్వంసనాయ శిరసే స్వాహా . 
ఓం అంజనీగర్భసంభూతాయ శిఖాయైవషట్ . 
ఓం శాకినీడాకినీవిధ్వంసనాయ కవచాయ  హుం . 
ఓం కిలికిలి బూ బూ కారేణ విభీషణాయ హనుమద్దేవతాయ నేత్రత్రయాయ వౌషట్ .
ఓం హ్రీం శ్రీ హ్రౌం హాం హుం ఫట్ స్వాహా అస్త్రాయ ఫట్ .
.. ఇతి హృదయాదిషడంగన్యాసః ..

ధ్యానం
ప్రతప్తస్వర్ణవర్ణాభం సంరక్తారుణలోచనం .
సుగ్రీవాదియుతం ధ్యాయేత్ పీతాంబరసమావృతం ..

గోష్పదీకృతవారాశిం పుచ్ఛమస్తకమీశ్వరం .
జ్ఞానముద్రాం చ బిభ్రాణం సర్వాలంకారభూషితం ..

వామహస్తసమాకృష్టదశాస్యాననమండలం .
ఉద్యద్దక్షిణదోర్దండం హనూమంతం విచింతయేత్ ..

హనూమాన్ శ్రీప్రదో వాయుపుత్రో రుద్రో నయోఽజరః .
అమృత్యుర్వీరవీరశ్చ గ్రామవాసో జనాశ్రయః .. 1..

ధనదో నిర్గుణాకారో వీరో నిధిపతిర్మునిః .
పింగాక్షో వరదో వాగ్మీ సీతాశోకవినాశనః .. 2..

శివః శర్వః పరోఽవ్యక్తో వ్యక్తావ్యక్తో ధరాధరః .
పింగకేశః పింగరోమా శ్రుతిగమ్యః సనాతనః .. 3..

అనాదిర్భగవాన్ దివ్యో విశ్వహేతుర్నరాశ్రయః .
ఆరోగ్యకర్తా విశ్వేశో విశ్వనాథో హరీశ్వరః .. 4..

భర్గో రామో రామభక్తః కల్యాణప్రకృతీశ్వరః .
విశ్వంభరో విశ్వమూర్తిర్విశ్వాకారోఽథ విశ్వపః .. 5..

విశ్వాత్మా విశ్వసేవ్యోఽథ విశ్వో విశ్వధరో రవిః .
విశ్వచేష్టో విశ్వగమ్యో విశ్వధ్యేయఃకలాధరః .. 6..

ప్లవంగమః కపిశ్రేష్ఠో జ్యేష్ఠో వేద్యో వనేచరః .
బాలో వృద్ధో యువా తత్త్వం తత్త్వగమ్యః సఖా హ్యజః .. 7..

అంజనాసూనురవ్యగ్రో గ్రామస్యాంతో ధరాధరః .
భూర్భువఃస్వర్మహర్లోకో జనోలోకస్తపోఽవ్యయః .. 8..

సత్యమోంకారగమ్యశ్చ ప్రణవో వ్యాపకోఽమలః .
శివధర్మప్రతిష్ఠాతా రామేష్టః ఫల్గునప్రియః .. 9..

గోష్పదీకృతవారీశః పూర్ణకామో ధరాపతిః .
రక్షోఘ్నః పుండరీకాక్షః శరణాగతవత్సలః .. 10..

జానకీప్రాణదాతా చ రక్షఃప్రాణాపహారకః .
పూర్ణః సత్యః పీతవాసా దివాకరసమప్రభః .. 11..

ద్రోణహర్తా శక్తినేతా శక్తిరాక్షసమారకః .
అక్షఘ్నో రామదూతశ్చ శాకినీజీవితాహరః .. 12..

బుభూకారహతారాతిర్గర్వపర్వతమర్దనః .
హేతుస్త్వహేతుః ప్రాంశుశ్చ విశ్వకర్తా జగద్గురుః .. 13..

జగన్నాథో జగన్నేతా జగదీశో జనేశ్వరః .
జగత్శ్రితో హరిః శ్రీశో గరుడస్మయభంజకః .. 14..

పార్థధ్వజో వాయుపుత్రః సితపుచ్ఛోఽమితప్రభః .
బ్రహ్మపుచ్ఛః పరబ్రహ్మపుచ్ఛో రామేష్టకారకః .. 15..

సుగ్రీవాదియుతో జ్ఞానీ వానరో వానరేశ్వరః .
కల్పస్థాయీ చిరంజీవీ ప్రసన్నశ్చ సదాశివః .. 16..

సన్మతిః సద్గతిర్భుక్తిముక్తిదః కీర్తిదాయకః .
కీర్తిః కీర్తిప్రదశ్చైవ సముద్రః శ్రీప్రదః శివః .. 17..

ఉదధిక్రమణో దేవః సంసారభయనాశనః .
వాలిబంధనకృద్విశ్వజేతా విశ్వప్రతిష్ఠితః .. 18..

లంకారిః కాలపురుషో లంకేశగృహభంజనః .
భూతావాసో వాసుదేవో వసుస్త్రిభువనేశ్వరః ..

శ్రీరామరూపః కృష్ణస్తు లంకాప్రాసాదభంజనః .
కృష్ణః కృష్ణస్తుతః శాంతః శాంతిదో విశ్వభావనః .. 20..

విశ్వభోక్తాఽథ మారఘ్నో బ్రహ్మచారీ జితేంద్రియః .
ఊర్ధ్వగో లాంగులీ మాలీ లాంగూలాహతరాక్షసః .. 21..

సమీరతనుజో వీరో వీరమారో జయప్రదః .
జగన్మంగలదః పుణ్యః పుణ్యశ్రవణకీర్తనః .. 22..

పుణ్యకీర్తిః పుణ్యగీతిర్జగత్పావనపావనః .
దేవేశోఽమితరోమాఽథ రామభక్తవిధాయకః .. 23..

ధ్యాతా ధ్యేయో జగత్సాక్షీ చేతా చైతన్యవిగ్రహః .
జ్ఞానదః ప్రాణదః ప్రాణో జగత్ప్రాణః సమీరణః .. 24..

విభీషణప్రియః శూరః పిప్పలాశ్రయసిద్ధిదః .
సిద్ధః సిద్ధాశ్రయః కాలః కాలభక్షకపూజితః .. 25..

లంకేశనిధనస్థాయీ లంకాదాహక ఈశ్వరః .
చంద్రసూర్యాగ్నినేత్రశ్చ కాలాగ్నిః ప్రలయాంతకః .. 26..

కపిలః కపిశః పుణ్యరాతిర్ద్వాదశరాశిగః .
సర్వాశ్రయోఽప్రమేయాత్మా రేవత్యాదినివారకః .. 27..

లక్ష్మణప్రాణదాతా చ సీతాజీవనహేతుకః .
రామధ్యాయీ హృషీకేశో విష్ణుభక్తో జటీ బలీ .. 28..

దేవారిదర్పహా హోతా ధాతా కర్తా జగత్ప్రభుః .
నగరగ్రామపాలశ్చ శుద్ధో బుద్ధో నిరంతరః .. 29..

నిరంజనో నిర్వికల్పో గుణాతీతో భయంకరః .
హనుమాంశ్చ దురారాధ్యస్తపఃసాధ్యో మహేశ్వరః .. 30..

జానకీఘనశోకోత్థతాపహర్తా పరాశరః .
వాఙ్మయః సదసద్రూపః కారణం ప్రకృతేః పరః .. 31..

భాగ్యదో నిర్మలో నేతా పుచ్ఛలంకావిదాహకః .
పుచ్ఛబద్ధో యాతుధానో యాతుధానరిపుప్రియః .. 32..

ఛాయాపహారీ భూతేశో లోకేశః సద్గతిప్రదః .
ప్లవంగమేశ్వరః క్రోధః క్రోధసంరక్తలోచనః .. 33..

క్రోధహర్తా తాపహర్తా భక్తాభయవరప్రదః .
భక్తానుకంపీ విశ్వేశః పురుహూతః పురందరః .. 34..

అగ్నిర్విభావసుర్భాస్వాన్ యమో నిరృతిరేవ చ .
వరుణో వాయుగతిమాన్ వాయుః కుబేర ఈశ్వరః .. 35..

రవిశ్చంద్రః కుజః సౌమ్యో గురుః కావ్యః శనైశ్చరః .
రాహుః కేతుర్మరుద్దాతా ధాతా హర్తా సమీరజః .. 36..

మశకీకృతదేవారిర్దైత్యారిర్మధూసూదనః .
కామః కపిః కామపాలః కపిలో విశ్వజీవనః .. 37..

భాగీరథీపదాంభోజః సేతుబంధవిశారదః .
స్వాహా స్వధా హవిః కవ్యం హవ్యవాహః ప్రకాశకః .. 38..

స్వప్రకాశో మహావీరో మధురోఽమితవిక్రమః .
ఉడ్డీనోడ్డీనగతిమాన్ సద్గతిః పురుషోత్తమః ..

జగదాత్మా జగద్యోనిర్జగదంతో హ్యనంతరః .
విపాప్మా నిష్కలంకోఽథ మహాన్ మహదహంకృతిః .. 40..

ఖం వాయుః పృథివీ చాపో వహ్నిర్దిక్ కాల ఏకలః .
క్షేత్రజ్ఞః క్షేత్రపాలశ్చ పల్వలీకృతసాగరః .. 41..

హిరణ్మయః పురాణశ్చ ఖేచరో భూచరో మనుః .
హిరణ్యగర్భః సూత్రాత్మా రాజరాజో విశాం పతిః .. 42..

వేదాంతవేద్య ఉద్గీథో వేదాంగో వేదపారగః .
ప్రతిగ్రామస్థితః సద్యః స్ఫూర్తిదాతా గుణాకరః .. 43..

నక్షత్రమాలీ భూతాత్మా సురభిః కల్పపాదపః .
చింతామణిర్గుణనిధిః ప్రజాద్వారమనుత్తమః .. 44..

పుణ్యశ్లోకః పురారాతిః మతిమాన్ శర్వరీపతిః .
కిల్కిలారావసంత్రస్తభూతప్రేతపిశాచకః .. 45..

ఋణత్రయహరః సూక్ష్మః స్థూలః సర్వగతిః పుమాన్ .
అపస్మారహరః స్మర్తా శ్రుతిర్గాథా స్మృతిర్మనుః .. 46..

స్వర్గద్వారం ప్రజాద్వారం మోక్షద్వారం యతీశ్వరః .
నాదరూపం పరం బ్రహ్మ బ్రహ్మ బ్రహ్మపురాతనః .. 47..

ఏకోఽనేకో జనః శుక్లః స్వయంజ్యోతిరనాకులః .
జ్యోతిర్జ్యోతిరనాదిశ్చ సాత్వికో రాజసస్తమః .. 48..

తమోహర్తా నిరాలంబో నిరాకారో గుణాకరః .
గుణాశ్రయో గుణమయో బృహత్కాయో బృహద్యశాః ..

బృహద్ధనుర్బృహత్పాదో బృహన్మూర్ధా బృహత్స్వనః .
బృహత్కర్ణో బృహన్నాసో బృహద్బాహుర్బృహత్తనుః .. 50..

బృహద్గలో బృహత్కాయో బృహత్పుచ్ఛో బృహత్కరః .
బృహద్గతిర్బృహత్సేవో బృహల్లోకఫలప్రదః .. 51..

బృహద్భక్తిర్బృహద్వాంఛాఫలదో బృహదీశ్వరః .
బృహల్లోకనుతో ద్రష్టా విద్యాదాతా జగద్గురుః .. 52..

దేవాచార్యః సత్యవాదీ బ్రహ్మవాదీ కలాధరః .
సప్తపాతాలగామీ చ మలయాచలసంశ్రయః .. 53..

ఉత్తరాశాస్థితః శ్రీశో దివ్యౌషధివశః ఖగః .
శాఖామృగః కపీంద్రోఽథ పురాణః ప్రాణచంచురః .. 54..

చతురో బ్రాహ్మణో యోగీ యోగిగమ్యః పరోఽవరః .
అనాదినిధనో వ్యాసో వైకుంఠః పృథివీపతిః .. 55..

అపరాజితో జితారాతిః సదానందద ఈశితా .
గోపాలో గోపతిర్యోద్ధా కలిః స్ఫాలః పరాత్పరః .. 56..

మనోవేగీ సదాయోగీ సంసారభయనాశనః .
తత్త్వదాతాఽథ తత్త్వజ్ఞస్తత్త్వం తత్త్వప్రకాశకః .. 57..

శుద్ధో బుద్ధో నిత్యయుక్తో భక్తాకారో జగద్రథః .
ప్రలయోఽమితమాయశ్చ మాయాతీతో విమత్సరః .. 58..

మాయానిర్జితరక్షాశ్చ మాయానిర్మితవిష్టపః .
మాయాశ్రయశ్చ నిలేర్పో మాయానిర్వర్తకః సుఖీ ..

సుఖీ(ఖం) సుఖప్రదో నాగో మహేశకృతసంస్తవః .
మహేశ్వరః సత్యసంధః శరభః కలిపావనః .. 60..

రసో రసజ్ఞః సన్మానో రూపం చక్షుః శ్రుతీ రవః .
ఘ్రాణం గంధః స్పర్శనం చ స్పర్శో హింకారమానగః .. 61..

నేతి నేతీతి గమ్యశ్చ వైకుంఠభజనప్రియః .
గిరిశో గిరిజాకాంతో దుర్వాసాః కవిరంగిరాః .. 62..

భృగుర్వసిష్ఠశ్చ్యవనో నారదస్తుంబురుర్హరః .
విశ్వక్షేత్రం విశ్వబీజం విశ్వనేత్రం చ విశ్వపః .. 63..

యాజకో యజమానశ్చ పావకః పితరస్తథా .
శ్రద్ధా బుద్ధిః క్షమా తంద్రా మంత్రో మంత్రయితా సురః .. 64..

రాజేంద్రో భూపతీ రూఢో మాలీ సంసారసారథిః .
నిత్యః సంపూర్ణకామశ్చ భక్తకామధుగుత్తమః .. 65..

గణపః కేశవో భ్రాతా పితా మాతాఽథ మారుతిః .
సహస్రమూర్ధా సహస్రాస్యః సహస్రాక్షః సహస్రపాత్ .. 66..

కామజిత్ కామదహనః కామః కామ్యఫలప్రదః .
ముద్రోపహారీ రక్షోఘ్నః క్షితిభారహరో బలః .. 67..

నఖదంష్ట్రాయుధో విష్ణుభక్తో భక్తాభయప్రదః .
దర్పహా దర్పదో దంష్ట్రాశతమూర్తిరమూర్తిమాన్ .. 68..

మహానిధిర్మహాభాగో మహాభర్గో మహర్ద్ధిదః .
మహాకారో మహాయోగీ మహాతేజా మహాద్యుతిః ..

మహాకర్మా మహానాదో మహామంత్రో మహామతిః .
మహాశమో మహోదారో మహాదేవాత్మకో విభుః .. 70..

రుద్రకర్మా క్రూరకర్మా రత్ననాభః కృతాగమః .
అంభోధిలంఘనః సిద్ధః సత్యధర్మా ప్రమోదనః .. 71..

జితామిత్రో జయః సోమో విజయో వాయువాహనః .
జీవో ధాతా సహస్రాంశుర్ముకుందో భూరిదక్షిణః .. 72..

సిద్ధార్థః సిద్ధిదః సిద్ధః సంకల్పః సిద్ధిహేతుకః .
సప్తపాతాలచరణః సప్తర్షిగణవందితః .. 73..

సప్తాబ్ధిలంఘనో వీరః సప్తద్వీపోరుమండలః .
సప్తాంగరాజ్యసుఖదః సప్తమాతృనిషేవితః .. 74..

సప్తలోకైకమకుటః సప్తహోత్రః స్వరాశ్రయః .
సప్తసామోపగీతశ్చ సప్తపాతాలసంశ్రయః .. 75..

సప్తచ్ఛందోనిధిః సప్తచ్ఛందః సప్తజనాశ్రయః .
మేధాదః కీర్తిదః శోకహారీ దౌర్భాగ్యనాశనః .. 76..

సర్వవశ్యకరో గర్భదోషహా పుత్రపౌత్రదః .
ప్రతివాదిముఖస్తంభో రుష్టచిత్తప్రసాదనః .. 77..

పరాభిచారశమనో దుఃఖహా బంధమోక్షదః .
నవద్వారపురాధారో నవద్వారనికేతనః .. 78..

నరనారాయణస్తుత్యో నవనాథమహేశ్వరః .
మేఖలీ కవచీ ఖడ్గీ భ్రాజిష్ణుర్జిష్ణుసారథిః ..

బహుయోజనవిస్తీర్ణపుచ్ఛః పుచ్ఛహతాసురః .
దుష్టహంతా నియమితా పిశాచగ్రహశాతనః .. 80..

బాలగ్రహవినాశీ చ ధర్మనేతా కృపాకరః .
ఉగ్రకృత్యశ్చోగ్రవేగ ఉగ్రనేత్రః శతక్రతుః .. 81..

శతమన్యుస్తుతః స్తుత్యః స్తుతిః స్తోతా మహాబలః .
సమగ్రగుణశాలీ చ వ్యగ్రో రక్షోవినాశనః .. 82..

రక్షోఽగ్నిదావో బ్రహ్మేశః శ్రీధరో భక్తవత్సలః .
మేఘనాదో మేఘరూపో మేఘవృష్టినివారణః .. 83..

మేఘజీవనహేతుశ్చ మేఘశ్యామః పరాత్మకః .
సమీరతనయో ధాతా తత్త్వవిద్యావిశారదః .. 84..

అమోఘోఽమోఘవృష్టిశ్చాభీష్టదోఽనిష్టనాశనః .
అర్థోఽనర్థాపహారీ చ సమర్థో రామసేవకః .. 85..

అర్థీ ధన్యోఽసురారాతిః పుండరీకాక్ష ఆత్మభూః .
సంకర్షణో విశుద్ధాత్మా విద్యారాశిః సురేశ్వరః .. 86..

అచలోద్ధారకో నిత్యః సేతుకృద్రామసారథిః .
ఆనందః పరమానందో మత్స్యః కూర్మో నిధిః శయః .. 87..

వరాహో నారసింహశ్చ వామనో జమదగ్నిజః .
రామః కృష్ణః శివో బుద్ధః కల్కీ రామాశ్రయో హరిః .. 88..

నందీ భృంగీ చ చండీ చ గణేశో గణసేవితః .
కర్మాధ్యక్షః సురారామో విశ్రామో జగతీపతిః ..

జగన్నాథః కపీశశ్చ సర్వావాసః సదాశ్రయః .
సుగ్రీవాదిస్తుతో దాంతః సర్వకర్మా ప్లవంగమః .. 90..

నఖదారితరక్షశ్చ నఖయుద్ధవిశారదః .
కుశలః సుధనః శేషో వాసుకిస్తక్షకస్తథా .. 91..

స్వర్ణవర్ణో బలాఢ్యశ్చ పురుజేతాఽఘనాశనః .
కైవల్యదీపః కైవల్యో గరుడః పన్నగో గురుః .. 92..

క్లీక్లీరావహతారాతిగర్వః పర్వతభేదనః .
వజ్రాంగో వజ్రవక్త్రశ్చ భక్తవజ్రనివారకః .. 93..

నఖాయుధో మణిగ్రీవో జ్వాలామాలీ చ భాస్కరః .
ప్రౌఢప్రతాపస్తపనో భక్తతాపనివారకః .. 94..

శరణం జీవనం భోక్తా నానాచేష్టోఽథ చంచలః .
స్వస్థస్త్వస్వాస్థ్యహా దుఃఖశాతనః పవనాత్మజః .. 95..

పవనః పావనః కాంతో భక్తాంగః సహనో బలః .
మేఘనాదరిపుర్మేఘనాదసంహృతరాక్షసః .. 96..

క్షరోఽక్షరో వినీతాత్మా వానరేశః సతాంగతిః .
శ్రీకంఠః శితికంఠశ్చ సహాయః సహనాయకః .. 97..

అస్థూలస్త్వనణుర్భర్గో దేవసంసృతినాశనః .
అధ్యాత్మవిద్యాసారశ్చాప్యధ్యాత్మకుశలః సుధీః .. 98..

అకల్మషః సత్యహేతుః సత్యదః సత్యగోచరః .
సత్యగర్భః సత్యరూపః సత్యః సత్యపరాక్రమః .. 99..

అంజనాప్రాణలింగం చ వాయువంశోద్భవః శ్రుతిః .
భద్రరూపో రుద్రరూపః సురూపశ్చిత్రరూపధృక్ .. 100..

మైనాకవందితః సూక్ష్మదర్శనో విజయో జయః .
క్రాంతదిఙ్మండలో రుద్రః ప్రకటీకృతవిక్రమః .. 101..

కంబుకంఠః ప్రసన్నాత్మా హ్రస్వనాసో వృకోదరః .
లంబోష్ఠః కుండలీ చిత్రమాలీ యోగవిదాం వరః .. 102..

విపశ్చిత్ కవిరానందవిగ్రహోఽనల్పనాశనః .
ఫాల్గునీసూనురవ్యగ్రో యోగాత్మా యోగతత్పరః .. 103..

యోగవిద్యోగకర్తా చ యోగయోనిర్దిగంబరః .
అకారాదిక్షకారాంతవర్ణనిర్మితవిగ్రహః .. 104..

ఉలూఖలముఖః సిద్ధసంస్తుతః పరమేశ్వరః .
శ్లిష్టజంఘః శ్లిష్టజానుః శ్లిష్టపాణిః శిఖాధరః .. 105..

సుశర్మాఽమితధర్మా చ నారాయణపరాయణః .
జిష్ణుర్భవిష్ణూ రోచిష్ణుర్గ్రసిష్ణుః స్థాణురేవ చ .. 106..

హరీ రుద్రానుకృద్వృక్షకంపనో భూమికంపనః .
గుణప్రవాహః సూత్రాత్మా వీతరాగః స్తుతిప్రియః .. 107..

నాగకన్యాభయధ్వంసీ కృతపూర్ణః కపాలభృత్ .
అనుకూలోఽక్షయోఽపాయోఽనపాయో వేదపారగః .. 108..

అక్షరః పురుషో లోకనాథస్త్ర్యక్షః ప్రభుర్దృఢః .
అష్టాంగయోగఫలభూః సత్యసంధః పురుష్టుతః .. 109..

శ్మశానస్థాననిలయః ప్రేతవిద్రావణక్షమః .
పంచాక్షరపరః పంచమాతృకో రంజనో ధ్వజః .. 110..

యోగినీవృందవంద్యశ్రీః శత్రుఘ్నోఽనంతవిక్రమః .
బ్రహ్మచారీంద్రియవపుర్ధృతదండో దశాత్మకః .. 111..

అప్రపంచః సదాచారః శూరసేనో విదారకః .
బుద్ధః ప్రమోద ఆనందః సప్తజిహ్వపతిర్ధరః .. 112..

నవద్వారపురాధారః ప్రత్యగ్రః సామగాయనః .
షట్చక్రధామా స్వర్లోకభయహృన్మానదో మదః .. 113..

సర్వవశ్యకరః శక్తిరనంతోఽనంతమంగలః .
అష్టమూర్తిధరో నేతా విరూపః స్వరసుందరః .. 114..

ధూమకేతుర్మహాకేతుః సత్యకేతుర్మహారథః .
నందీప్రియః స్వతంత్రశ్చ మేఖలీ డమరుప్రియః .. 115..

లోహితాంగః సమిద్వహ్నిః షడృతుః శర్వ ఈశ్వరః .
ఫలభుక్ ఫలహస్తశ్చ సర్వకర్మఫలప్రదః .. 116..

ధర్మాధ్యక్షో ధర్మఫలో ధర్మో ధర్మప్రదోఽర్థదః .
పంచవింశతితత్త్వజ్ఞస్తారకో బ్రహ్మతత్పరః .. 117..

త్రిమార్గవసతిర్భీమః సర్వదుష్టనిబర్హణః .
ఊర్జఃస్వామీ జలస్వామీ శూలీ మాలీ నిశాకరః .. 118..

రక్తాంబరధరో రక్తో రక్తమాల్యవిభూషణః .
వనమాలీ శుభాంగశ్చ శ్వేతః శ్వేతాంబరో యువా .. 119..

జయోఽజేయపరీవారః సహస్రవదనః కవిః .
శాకినీడాకినీయక్షరక్షోభూతప్రభంజనః .. 120..

సద్యోజాతః కామగతిర్జ్ఞానమూర్తిర్యశస్కరః .
శంభుతేజాః సార్వభౌమో విష్ణుభక్తః ప్లవంగమః .. 121..

చతుర్ణవతిమంత్రజ్ఞః పౌలస్త్యబలదర్పహా .
సర్వలక్ష్మీప్రదః శ్రీమానంగదప్రియవర్ధనః .. 122..

స్మృతిబీజం సురేశానః సంసారభయనాశనః .
ఉత్తమః శ్రీపరీవారః శ్రీభూరుగ్రశ్చ కామధుక్ .. 123..

సదాగతిర్మాతరిశ్వా రామపాదాబ్జషట్పదః .
నీలప్రియో నీలవర్ణో నీలవర్ణప్రియః సుహృత్ .. 124..

రామదూతో లోకబంధురంతరాత్మా మనోరమః .
శ్రీరామధ్యానకృద్వీరః సదా కింపురుషస్తుతః .. 125..

రామకార్యాంతరంగశ్చ శుద్ధిర్గతిరనామయః .
పుణ్యశ్లోకః పరానందః పరేశప్రియసారథిః .. 126..

లోకస్వామీ ముక్తిదాతా సర్వకారణకారణః .
మహాబలో మహావీరః పారావారగతిర్గురుః .. 127..

తారకో భగవాంస్త్రాతా స్వస్తిదాతా సుమంగలః .
సమస్తలోకసాక్షీ చ సమస్తసురవందితః .
సీతాసమేతశ్రీరామపాదసేవాధురంధరః .. 128..

వాల్మీకిరువాచ  
ఇతి నామ్న సహస్రేణ స్తుతో రామేణ వాయుభూః . 
ఉవాచ తం ప్రసన్నాత్మా సంఘాయాత్మానమవ్యయం .. 129..

శ్రీ హనుమానువాచ .
ధ్యానాస్పదమిదం బ్రహ్మ మత్పురః సముపస్థితం . 
స్వామిన్ కృపానిధే రామ జ్ఞాతోఽసి కపినా మయా .. 130.. 
త్వధ్యాన నిరతా లోకాః కిం మాం జపసి సాదరం . 
తవాగమనహేతుశ్చ జ్ఞాతో హ్యత్ర మయాఽనఘ .. 131..

కర్తవ్యం మమ కిం రామ తథా బ్రూహి చ రాఘవ . 
ఇతి ప్రచోదితో రామః ప్రహృష్టాత్మేదమబ్రవీత్ .. 132.. 

శ్రీ రామచంద్రోవాచ .
దుర్జయః ఖలు వైదేహీం గృహీత్వా కోఽపి నిర్గతః .
హత్వా తం నిర్ఘృణం వీరమానయ త్వం కపీశ్వర .. 133.. 
మమ దాస్యం కురు సఖే భవ విశ్వసుఖంకరః .
తథా కృతే త్వయా వీర మమ కార్యం భవిష్యతి .. 134.. 
ఓమీత్యాజ్ఞాం తు శిరసా గృహీత్వా స కపీశ్వరః. 
విధేయం విధివత్తత్ర చకార శిరసా స్వయం.. 135..

ఇదం నామసహస్రం తు యోఽధీతే ప్రత్యహం నరః .
దుఃఖౌఘో నశ్యతే క్షిప్రం సంపత్తిర్వర్ధతే చిరం .
వశ్యం చతుర్విధం తస్య భవత్యేవ న సంశయః .. 136..

రాజానో రాజపుత్రాశ్చ రాజకీయాశ్చ మంత్రిణః .
త్రికాలం పఠనాదస్య దృశ్యంతే చ త్రిపక్షతః .. 137..

అశ్వత్థమూలే జపతాం నాస్తి వైరికృతం భయం .
త్రికాలపఠనాదస్య సిద్ధిః స్యాత్ కరసంస్థితా .. 138..

బ్రాహ్మే ముహూర్తే చోత్థాయ ప్రత్యహం యః పఠేన్నరః .
ఐహికాముష్మికాన్ సోఽపి లభతే నాత్ర సంశయః .. 139..

సంగ్రామే సన్నివిష్టానాం వైరివిద్రావణం భవేత్ .
జ్వరాపస్మారశమనం గుల్మాదివ్యాధివారణం .. 140..

సామ్రాజ్యసుఖసంపత్తిదాయకం జపతాం నృణాం .
య ఇదం పఠతే నిత్యం పాఠయేద్వా సమాహితః .
సర్వాన్ కామానవాప్నోతి వాయుపుత్రప్రసాదతః .. 141.. 


 శ్రీ ఆంజనేయసహస్రనామస్తోత్రం సంపూర్ణం


---------------------------------------------

---------------------------------------------

Wednesday, May 6, 2020

శ్రీ సుదర్శన సంహితాయాం శ్రీరామ చంద్ర సీతాప్రోక్త శ్రీ పంచముఖ హనుమాన్ కవచం

శ్రీ సుదర్శన సంహితాయాం శ్రీరామ చంద్ర సీతాప్రోక్త శ్రీ పంచముఖ హనుమాన్ కవచం


గురుముఖతా నేర్చుకోవలసిన కవచం





-------------------------------------------------





-------------------------------------------------




-------------------------------------------------